Район мәктәпләрендә Холокост корбаннарын искә алдылар

Иске Тимошкино һәм Иске Ильдеряк урта мәктәпләрендә муниципаль координатор, ПДН, «Форпост» һәм Мәктәптән тыш эшләр үзәге хезмәткәрләре катнашында «Холокост: онытмас өчен белергә» дип аталган Батырлык сәгате узды.

«Холокост – кешелеккә каршы җинаять» презентациясеннән укучылар Холокостның нәрсә икәнен, фашистларның алар басып алган территорияләрдәге ерткычлыгы, Аушвиц, Бухенвальд лагерьлары, шушы лагерьларда һәлак булган балалар турында белделәр.

Батырлык дәресе бер минутлык тынлык белән тәмамланды.

– Бердәм гамәлләр көннәрендә уздырылган мәгариф-агарту чаралары белем бирү учреждениеләрендә Бөек Җиңүнең 80 еллыгын билгеләп үтү елын ача һәм тарихның әлеге коточкыч вакытында һәлак булган миллионлаган кеше турында хәтерне саклауга чакырылган, – дип билгеләп үтте Наталия Хәйруллина. – Бу моңа охшаш вакыйгаларның беркайчан да кабатланмавына нигез булып тора.