Яңа Тимошкино мәктәбе укучылары химия, биология һәм география фәннәренең бүгенге көндә дә күпме кызыклы әйберләрне яшерүләренә тагын бер кат инандылар.
Атналык дәвамында 2-9 сыйныф укучылары көндәлек тормышта очрашырга туры килгән сорауларга җаваплар эзләделәр һәм таптылар. Атналык алар өчен әлеге фәннәр белән бәйле киләчәк һөнәргә үзенчәлекле йөз тоту да булды.
– Тагын шунысы кыйммәт һәм мөһим, мәктәпнең һәр укучысы, сыйныфка бәйсез рәвештә, үзен төрле эшчәнлектә сынап карый алды, – дип сөйли табигый-фәнни цикл фәннәре укытучысы Сильвия Анорьева. – Моны Фән атналыгы чираттагы тапкыр раслады.
Нет комментариев