Чүп җыюдан алып экологик квизга кадәр иң яхшылар арасында

Катнашучылар сайлап алу этапларын узды: «Чиста уеннар» форматында шимбә өмәләре һәм «Башка эш» платформасында онлайн-марафон. Сентябрь аенда безнең районда узган «Чиста уеннар» зональ турниры турында без район газетасы битләрендә яздык инде. Аксубай урманында чүп-чар җыйганнан соң, командалар онлайн-форматта кыч сынашуларын дәвам иттеләр.

Турнир финалына Аксубай районыннан өч команда чыкты: Аксубайның 3 нче, Савгач, Иске Ибрай урта мәктәпләре. Һәм менә экология квизы нәтиҗәләре буенча 50дән артык финалчы арасында Аксубай 3 нче мәктәбенең «Эко-геройлар» командасы, Татарстанның иң яхшы унлыгына кереп, 9 нчы урынны яулады – бу зур казаныш! Аксубай 3 нче мәктәбенең «Эко-геройлар» командасы «Мәктәп чисталыгы кубогы» республика проектында иң яхшылар арасында дип табылды. Аның составында: Виктория Павлова, Владислав Таиркин, Азалия Фатушова һәм Ризван Хәмидуллин. Алар 1 нче һәм 2 нче турларда җиңүчеләр булдылар һәм финалда ышанычлы рәвештә үз урыннарын алдылар, анда янә үзләрен яхшы яктан таныттылар. «Мәктәп чисталыгы кубогы» экология турнирының балалар дирекциясендә эшләгәне өчен Арина Ендерюкова да Рәхмәт хаты алды.

– Укучыларның уңыш сере – аларның шәхси сыйфатларында һәм көйле эшендә, – дип билгеләп үтте команда җитәкчесе Алена Селиванова. – Бу: тырышлык һәм үҗәтлек, аларны һәр этапта мотивацияләгән җиңүгә ялкынлы омтылыш. Һәм, һичшиксез, дүрт талантлы баланы җиңелмәс команда итеп берләштергән көчле команда рухы. Нәкъ менә бу сыйфатлар аларга Республиканың ТОП-10 командасы арасына керергә мөмкинлек бирде.