Аксубай укучылары «Хузангай укулары»нда белемнәрен күрсәттеләр
Чуаш Енорускиносы мәктәбе укучылары Әлки районының Сиктермә мәктәбендә узган «Хузангай укулары» дип аталган районара конференциядә уңышлы чыгыш ясадылар.
Быелгы чарада Татарстанның Алексеевск, Спас, Нурлат, Аксубай, Чистай һәм Чирмешән районнарыннан 100 дән артык укучы һәм укытучы, шулай ук Чуашстаннан да вәкилләр катнашты. Делегация составында танылган шагыйрьләр, прозаиклар, журналистлар да бар иде. Катнашучылар Петр Хузангай иҗатын төрле номинацияләрдә тәкъдим иттеләр: тикшерү эшләре, сәнгатьле уку, инсценировкалар, музыкаль һәм сәнгатьчә интерпретацияләр.
Аксубай мәктәп укучылары чуаш авторлары иҗаты буенча үз белемнәрен күрсәттеләр. Бишенче сыйныф укучысы Демьян Овчинников үз чыгышы белән беренче урынны яулады. Аның сыйныфташы – шигъриятне тирәнтен аңлаган Леонид Хуҗахмәтов икенче урынга лаек булды (остазы – чуаш теле һәм әдәбияты укытучысы Светлана Никонова).
Балаларның уңышы – мәктәптә чуаш теленә һәм мәдәниятенә кызыксыну һәм мәхәббәт тәрбияләүнең бер күрсәткече.
Фото мәгариф бүлеге архивыннан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев