Аксубай укучылары төбәк олимпиадасыннан призерлар булып кайттылар

Бөтенроссия олимпиадасында катнашучылар эшен юридик фәннәр кандидаты, Татарстанның атказанган укытучысы Илсур Җиһаншин җитәкчелегендәге жюри бәяләде.

Шәхси ярышларның ике турыннан торган төбәк этабы ике көн барды, шуңа күрә безнең катнашучыларга җиңел булмады.

Шулай да Дарина Гыйззәтуллина белән Алинә Хәмитшина призерлар дип табылды. Аларның остазы, тарих һәм җәмгыять белеме укытучысы Татьяна Удиярова ТР Мәгариф һәм фән министрлыгы Грамотасы белән бүләкләнде.

Фото: 3 нче Аксубай мәктәбе архивыннан.