Табигатькә сакчыл мөнәсәбәтне мөмкин кадәр иртәрәк башларга кирәк, дип саныйлар Түбән Баланда башлангыч мәктәбе педагоглары.
“Үзеңнән башла. Җаваплы кулланучы – ул кем?” – бу атнада узган экологик тәрбия дәресе темасы шулай яңгырады. Аның төп бурычлары балаларны табигатьне яратырга һәм сакларга, табигый байлыкларны сакчыл кулланырга өйрәтү.
Уен формасында балаларны азык-төлек сайлау кагыйдәләре белән таныштырдылар, бер тапкыр кулланыла торган савыт-сабадан баш тарту кирәклеген дәлилләделәр, көнкүреш чүп-чарларын ни өчен утильләштерергә кирәклеген һәм аны ничек сортларга аерырга кирәклеген аңлаттылар.
Нет комментариев