Чара Ватан сакчысы көненә багышланды
Тантаналы линейка 1 нче Аксубай мәктәбе яшь армиячеләр отрядының Россия һәм Татарстан әләмнәрен алып чыгуыннан һәм РФ һәм ТР гимннарын башкарудан башланып китте.
Аннары укучылар алдында мәртәбәле кунак чыгыш ясады. Балалар сугышчы-ветеранның офицер һөнәре, Ватанга хезмәт итү, Туган ил хакына батырлык кылуның зур дәрәҗә булуы турында сөйләвен кызыксыну белән тыңладылар.
Генерал-майор узган сугыш һәм бүгенге махсус хәрби операциядә төп көрәш эпизодларына тукталды. Укучылар һәм педагоглар кызыклы очрашу өчен Анатолий Петровичка рәхмәт әйттеләр.
Фото: Аксубай 1 нче мәктәбе архивыннан.
Нет комментариев