Аксубай мәктәбендә экология атнасы узды

5-7 сыйныфлар укучылары бакча участогын үсемлек һәм чүп калдыкларыннан чистарткан арада, 1-4 сыйныфларда «Урман – безнең төп кызыксыну» дигән рәсем бәйгесе үтте.

Бәйгенең темасы урманнарны торгызу һәм урман массивларын корткычлардан яклау булды.

Мәктәп китапханәсендә «Табигать – безнең йорт» дигән темага китап күргәзмәсе оештырылды.

Профориентация эше кысаларында өлкән сыйныф укучылары өчен директор киңәшчесе Татьяна Прохорова Аксубай урманчылыгына экскурсия оештырды.

Укучыларның урманчылар белән очрашуының төп максаты, мөгаллим сүзләренчә, аларда табигатькә сакчыл караш тәрбияләү, шулай ук мөһим һөнәргә игътибарны җәлеп итү. Балаларга урманчылык эшчәнлегенең юнәлешләре, урман тармагы һөнәрләре, Лубян урман-техника көллиятендә белем бирү шартлары турында сөйләделәр, шулай ук урманда янгын һәм санитария куркынычсызлыгы кагыйдәләре белән таныштырдылар. Очрашуның практик өлеше урманчылык паркында узды, анда балалар, махсус җиһазлар кулланып, агач күләмен үзләре билгеләде. Укучыларга урманда адашмаска, әгәр дә бу хәл була калса, аннан ничек чыгарга икәнен күрсәттеләр.