Аксубай мәктәбе мәйданчыгында тормыш иминлеге һәм Ватанны саклау нигезләре буенча өйрәнү дәресләре узды

Олимпиаданың муниципаль этабында җиңүчеләр – 8-11 сыйныф укучылары дәресләрдә укытучылар белән бергә гамәли тур алгоритмнарын эшкәрттеләр.

Дәресләрнең практик өлеше техноген авариянең гадәттән тыш хәлләрендә исән калуның катнаш полосасыннан гыйбарәт иде. Тур нигездә беренче медицина ярдәме күрсәтү элементларыннан һәм хәрби хезмәт нигезләреннән торды.

– Олимпиаданың алдагы төбәк этабының теоретик өлешендәге темалар спектры да киң булыр дип көтелә, – ди тормыш иминлеге һәм Ватанны саклау нигезләре курсы укытучыларының методик берләшмәсе җитәкчесе Алексей Никитин. – Чөнки курс программасына шәхси гигиенадан алып экстремаль шартларда коткаруга әзерләнүгә кадәр темалар, шулай ук юл, мәгълүмати һәм экологик культура кертелгән. Балалар табигый һәм техноген характердагы һәлакәтләр башланганда, терактлар һәм башка милли янаулар вакытында гамәлләрнең эзлеклелеген белергә, Гражданнар оборонасына әзер булырга тиеш.