Аксубай мәктәбе мәйданчыгында «Тере классика» Бөтенроссия яшь шигырь укучылар бәйгесенең муниципаль этабы узды

Әдәби бәйгедә катнашучылар үзләренең яраткан әсәрләреннән өзекләрне кычкырып укыдылар.

Катнашучыларның чыгышларын мәктәпнең ветеран укытучылары һәм Аксубай үзәкләштерелгән китапханәләре вәкилләре кергән эксперт комиссиясе бәяләде.

Жюри башкаручыларның артистлык, сәхнә осталыгын һәм сәнгатьле укуны билгеләп үтте.

Бәйге җиңүчесе булып Иске Савруш мәктәбенең 5 сыйныф укучысы Евгений Иванов (остаз – Е.Г. Абросимова), Аксубай 3нче мәктәбенең 6 сыйныф укучысы Диона Кажукова (остаз – Ю.Ю. Дмитриева), Түбән Татар Майнасы мәктәбенең 8 сыйныф укучысы Ибраһим Вәлиев (остаз – Г.Г. Кадыйрова) танылдылар.

Җиңүчеләр Казанда бәйгенең төбәк этабында катнаштылар.

Бәйгенең ике турын да уңышлы үтеп, Диона Кажукова Бөтенроссия бәйгесе лауреаты булды. Диона лауреат дипломы һәм бәйге логотибы төшерелгән приз белән бүләкләнде.