Аксубай чик сакчылары авыл мәктәбендә “Батырлык дәресе” үткәрделәр

Чик сакчыларының һәрберсе үзенең истәлекләре һәм солдат хезмәтеннән алган тәэсирләре белән уртаклашты.

Аксубай районы чик сакчылары ветераннары иҗтимагый оешмасы җитәкчесе Алексей Бобов этләрнең дәүләт чикләрен бозучыларны тоткарлауда ничек ярдәм итүләре турында сөйләде. Укучылар шулай ук Владимир Капитоновның чик сакчысы Евгений Родионовның батырлыгы турында сөйләвен дә бөтен күңелләрен биреп тыңладылар. Отставкадагы полковник А.Н. Одаев балаларны таможня хезмәте турында сөйләү белән кызыксындырды.