Аксубай 3 нче мәктәбен тәмамлаучыларның БДИ нәтиҗәләре 90 баллдан артык

Бүгенге көндә дүрт фән: рус теле, математика, тарих һәм химия буенча нәтиҗәләр билгеле. Һәм бу мәктәп өчен бик тә уңышлы.

Бигрәк тә Милена Овчинникованың нәтиҗәләре тәэсирләндерә. Ул ике фәннән: рус теле һәм химиядән 100әр балл җыйган.

– Бу нәтиҗәләр – мәктәптә уку елларында тырышлыгы һәм максатчанлыгы белән аерылып торган Милена өчен генә түгел, ә аның укытучылары – Юлия Юрьевна Дмитриева һәм Зинаида Аркадьевна Козлова өчен дә йолдызлы сәгать, – дип билгеләп үтте мәктәпнең уку-укыту бүлеге мөдире Марина Юрьевна Әхмәтҗанова. – Билгеле бер дәрәҗәдә алар профессионализмга тест та булып тора. Зинаида Аркадьевнаның дүрт тәрбияләнүчесе: Ландыш Гафиятуллина, Эльвина Аюпова, Татьяна Золина һәм Ралина Садкованың нәтиҗәләре 90 баллдан артык. Зәринә Шакированың нәтиҗәсе – 84 балл. Юлия Дмитриеваның укучысы Зәринә рус теле буенча 91 балл җыйган.

Семенова Татьяна Павловна укучыларының да рус теленнән имтихан нәтиҗәләре буенча баллар югары: Ангелина Глушкова –94, Алинә Хәмәтшина – 97, Анна Ермолаева 89 балл җыйган.

Безнең мәктәптә математикадан имтиханнар нәтиҗәләре дә үрнәк. Галина Анатольевна Хуҗиәхметованың дүрт укучысы БДИ йомгаклары буенча 80 һәм аннан да күбрәк балл җыйганнар. Болар – Алинә Хәмәтшина (86 балл) Кирилл Мулеев, Анна Ермолаева һәм Анатолий Мельников.

Укытучы Татьяна Георгиевна Удиярованың укучысы Ризван Сабиров тарих буенча БДИда 87 балл җыйган.

Мәгълүм булганча, җәмгыять белеме һәм физика буенча имтиханнар нәтиҗәләре – 18 июньнән дә соңга калмыйча, биология һәм география буенча нәтиҗәләр – 19 июньнән дә соңга калмыйча, чит тел һәм информатика буенча нәтиҗәләр 23 июньдә игълан ителәчәк.

– Мәктәпнең әле тагын үз укучыларының яңа казанышларына куанырга сәбәпләре булуына ышанып калабыз, – ди Марина Әхмәтҗанова.