Зәйдә каравылчы төнлә чыршыдагы гирляндадан чыккан янгынны сүндергән

Зәйдә сакчы төнлә чыршыдагы гирляндадан чыккан янгынны сүндергән. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

Дүшәмбе көнне, 14 декабрьдә, Зәйдә 88нче янгын сүндерү часте хезмәткәрләре шәһәр биналарының берсендә чыккан янгынны сүндерергә барган.  

Бина эчендә урнаштырылган ясалма чыршыда куелган гирлянданы төнгә сүндерергә онытканнар икән. Чыршыга ут капкан.

Каравылчы, янгын сигнализациясе тавышын ишетеп, ут сүндергеч ярдәмендә ялкынны сүндергән. Янгын мәйданы өч квадрат метр тәшкил иткән. 

Чыганак: tatar-inform.tatar

Фото