Татарстанда һәлакәткә очраган самолет пилотының очарга рөхсәте булмаган
Фаҗигадә очучы үзе һәм пассажир хатын-кыз һәлак булды.
Татарстанда һәлакәткә очраган самолетны очучы ремонтлау өчен аэродромга алып килгән булырга мөмкин. Бу хакта Россия Тикшерү комитетының Идел буе Тикшерү идарәсе җитәкчесенең өлкән ярдәмчесе Дмитрий Захаров хәбәр итте.
«Ул самолетның шассиларын төзәтергә тиеш булган, шуңа күрә очып китү полосасында самолетта йөргән. Ниндидер сәбәп аркасында ул рөхсәтсез очып киткән һәм берничә чакрымнан соң һәлакәткә очраган», — диде Захаров.
Кичә Әлмәт районында Кәләй авылы янында җиңел моторлы самолетның һәлакәткә очрады. Фаҗигадә очучы һәм пассажир хатын-кыз һәлак булды.
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев