Әлмәт яшүсмерләре Бөгелмәдә аяк киеме кибетен талаган

Әлмәт яшүсмерләре Бөгелмә шәһәрендәге бер кибет киштәсеннән биш пар аяк киеме алып чыгып киткәннәр. Бу турыда җирле басма хәбәр итә.

29 июльдә әлеге сәүдә ноктасының директоры полиция бүлегенә мөрәҗәгать иткән. Кибет хезмәткәрләре өч егетнең товар өчен акча түләмичә генә чыгып чабуларын күреп калган. 

Гаеплеләрнең шәхесләре ачыкланган. Алар 15 яшьлек Әлмәт яшүсмерләре булып чыккан. Егетләрне яшәү урыны буенча тоткарлыйлар һәм полиция бүлегенә китерәләр.

Алар үз гаепләрен таныганнар. Хәзер тикшерүчеләр җинаять эше кузгату мәсьәләсен хәл итә.

Чыганак: tatar-inform.tatar