Иртән Казаннан чыгу юлында ике җиңел машина бәрелешкән, бер йөртүче һәлак булган

Бу хакта «Татар-информ» мәгълүмат агентлыгына һәлакәт шаһитлары хәбәр итте.

Дәүләт автоинспекциясендә белдерүләренчә, авария Боровое Матюшино ягына таба бара торган юлда булган. Биредә Toyota һәм «Лада» маркалы машиналар бәрелешкән.

Юл-транспорт һәлакәте нәтиҗәсендә безнең илдә эшләнгән җиңел машина белән идарә иткән хатын-кыз һәлак булган. Авария турында тулырак мәгълүмат ачыклана.

Чыганак: tatar-inform.tatar