Аксубай районында юл-транспорт һәлакәте: пассажир хатын-кызга ярдәм итү өчен җиңел машинаны кисәргә туры килде

Арбалы МТЗ 80 тракторы һәм ВАЗ-2110 автомашинасы бәрелешә. Бәрелешү шулкадәр көчле була ки, транспорт чаралары бер-берсеннән дистәләрчә метрга “оча”. Юл-трансчпорт вакыйгасы урынында табиблар һәм коткаручылар эшләде. Пассажир хатын-кызны автомашина салоныннан чыгару өчен, коткаручыларга җиңел машинаның кузовын кисәргә туры килде. Хатын-кыз аңында, әмма шок хәлендә иде. Коткаручылар зыян күрүчене медикларга тапшырдылар – вакыйга урыныннан аны ашыгыч ярдәм каретасы алып китте.

Юл вакыйгасы урынына юл хәрәкәте иминлеге комиссиясе рәисе Станислав Зайцев килде.
–Юл-транспорт һәлакәтенең нечкәлекләре һәм шартлары ачыклана. Әлегә урында ЮХИДИ бүлеге хезмәткәрләре, криминалист, тикшерүче эшли, – дип шәрехләде Станислав Зайцев. – Хокукый бәя барлык кирәкле экспертизалар үткәргәннән соң биреләчәк.