Этнең ир-атка һөҗүм итүе турындагы мәгълүмат социаль челтәрләрдә чыкты.
Әлеге хәбәрнең авторы әйтүенчә, гадәттән тыш хәл 12 июльдә «Виктория» бакчачылык ширкәтендә булган. Хатын-кызның сүзләреннән аңлашылганча, бакчачылык җәмгыятендә яшәүчеләрнең берсе үзенең ротвейлерын аның иренә өстергән.
Аягы җәрәхәтләнгән ир-атны Автокаланың ашыгыч медицина ярдәме хастаханәсенә озатканнар.
Чаллы шәһәре Сәламәтлек саклау идарәсеннән «Татар-информ» агентлыгына хәбәр итүләренчә, хәзерге вакытта зыян күрүченең хәле тотрыклы, аны дәвалау учреждениесеннән чыгарганнар инде.
Чыганак: tatar-inform.tatar
Нет комментариев