Балык Бистәсе районында «Лада» автомобиле юл читенә төшеп киткән, шоферы һәлак булган

Бу хакта республика Дәүләт автоинспекциясеннән хәбәр иттеләр.

«27 ноябрь көнне 23.05 сәгатьтә М7 «Волга» трассасында — республиканың Балык Бистәсе районында 12нче модельле «Лада» автомобилен идарә итүче 36 яшьлек ир-ат, башлангыч мәгълүматларга караганда, идарәсен югалткан һәм юл читенә төшеп киткән», - дип белдерделәр ЮХИДИ идарәсендә.

Авария нәтиҗәсендә күпсанлы тән җәрәхәтләре алган ир-ат шунда ук һәлак булган.

Чыганак: tatar-inform.tatar