Аксубай районында йөк-пассажир автомобиле әйләнеп капланган: өч пассажир зыян күргән

Россия ЭЭМның Аксубай районы буенча ЮХИДИ бүлеге мәгълүматларына караганда, 7 июньдә 21 яшьлек манипулятор краны белән махсус автомобиль йөртүчесе, Нурлат ягына хәрәкәт иткәндә, каршы як полосага чыга, идарәне югалта һәм юл уңаендагы юнәлештәге кюветка төшеп китә. Якынча умыртка баганасында ябык имгәнү диагнозы белән бер пассажир Чистай район үзәк хастаханәсенә озатыла, икесе имгәнүләр ала.

Автомобиль йөртүче өч ел йөртү стажына ия, ике ел дәвамында 17 тапкыр административ җаваплылыкка тартылган.