Аксубай районында юл-транспорт һәлакәте: биш кеше һәлак булган
Емелькино авылы янындагы юлдагы фаҗига Аксубай һәм Алексеевск районнарыннан ике гаилә әгъзаларының гомерен өзгән.
Бүген төш вакытында үзебезнең илдә җитештерелгән ике автомобиль – «ВАЗ-21150», «ВАЗ-Приора – 217030» бәрелешкән.
Юл-транспорт һәлакәте урынына юл хәрәкәте иминлеге буенча комиссия рәисе, район башкарма комитеты җитәкчесе Станислав Зайцев, Россия ЭЭМның Аксубай районы буенча бүлек җитәкчесе Илгиз Алмакаев, Аксубай янгын-коткару гарнизоны җитәкчесе Руслан Ибляминов чыкты.
– Бүген 12.10 сәгатьтә Емелькино-Аксубай автомобиль юлында юл-транспорт һәлакәте булды. Ике хатын-кыз һәлакәт урынында ук һәлак булган, – дип аңлатма бирде БДД буенча комиссия рәисе Станислав Зайцев. – Өчесе ашыгыч ярдәм машинасы белән Чистай үзәк район хастаханәсенә озатылды. Кызганычка каршы, хәзерге вакытта алар да вафат. Туганнарының һәм якыннарының кайгыларын уртаклашабыз.
Юл-транспорт һәлакәте урынында ЮХИДИ хезмәткәрләре һәм тикшерүчеләр эшли.
Следите за самым важным и интересным в Telegram-каналеТатмедиа
Нет комментариев