Штраф яисә җинаять эше

Полиция хезмәткәрләре һәм дәүләт алкоголь инспекциясе районда алкогольнең канунсыз әйләнешенә каршы көрәш алып баруны дәвам итә.

1 февральдән Россия ЭЭМның Аксубай районы буенча бүлеге хезмәткәрләре Беловка авылында тикшерү сатып алу операциясе үткәрделәр. Ир-ат ярты литрлы лимонад шешәсендә составында спирт булган сыекча сата.

- Шулай ук контроль сатып алу барышында "сатучы" өеннән ике литр ярымлы полимер шешәгә салынган, якынча бер литр чамасы тәшкил иткән спиртлы эчемлекне дә бирде, - дип шәрехләде Россия ЭЭМ Аксубай районы буенча бүлегенең икътисад иминлеге һәм коррупциягә каршы көрәш буенча өлкән опер вәкиле Алексей Ионов. - Әлеге сыешлыклардагы этил спиртына охшаш сыекча экспертизага җибәрелде.

Составында спирт булган сыекчаны бары тик канунлы нигездә һәм лицензия булганда кибетләрдә генә сату рөхсәт ителә. Көмешкә, этил спирты сату, составында спирт булган сыекчаны тиешле документларсыз ташу - административ канун кысаларында җавапка тартуны үз эченә ала. Әгәр шуның өстенә Урта Идел буе үзәгенең суд экспертизасы сыекчаның куллану өчен куркыныч булуын да ачыкласа - сатучыны җинаять җаваплылыгы көтә.

Фото: vca-tuva.ru