02 хезмәте

25 гыйнвардан 10 февральгә кадәр Россия ЭЭМның Аксубай районы бүлегенә вакыйгалар турында 112 хәбәр һәм гариза кергән, 4 җинаять эше ачылган. 17 юл-транспорт вакыйгасы булган, зыян күрүчеләр юк.

28 гыйнвар көнне көндез аксубайлы сәүдә үзәгеннән дезодорант урлый. Ирне шунда ук эләктерәләр - хокук бозуны ачыклауда анда урнаштырылган видеокүзәтү камерасы ярдәмгә килә. Шул ук сәүдә үзәгенең азык-төлек бүлегеннән 4 февраль көнне шәһәр тибындагы Аксубай бистәсендә яшәүче, вак караклык очраклары өчен күп тапкыр җаваплылыкка тартылган ир-ат, бер шешә аракы урлый. Каракларның икесе дә административ җаваплылыкка тартылган.

2 февраль көнне полициянең кизү бүлегенә Яңа Мокшино авылы кешесеннән гариза керә - ирнең банк картасыннан, "Мобильле банк" хезмәтенә теркәлгән телефонын кулланып, 38 мең 700 сум акчасын салдыралар. Оператив тикшерү эшләре барышында караклык кылган кеше ачыклана. Яшь егет үз гаебен таный - ул телефонны машинадан урлый һәм, ирнең сим-картасын кулланып, акчаларны үзенең банк картасына күчерә. Әлеге факт буенча җинаять эше ачылган.

3-5 февраль көннәрендә Яңа Тимошкино авылында шәхси хуҗалык амбарыннан билгесез зат электр рубанкасы һәм газ казаны горелкасы урлый. Оператив эзләү эшләре алып барыла.