«ВАЗ-21074» машина йөртүчесен автомобиль белән идарә итү хокукыннан мәхрүм иттеләр

Юл хәрәкәте куркынычсызлыгы буенча район комиссиясе мәгълүматы буенча, 4 июньдә аксубайлы Г., бераз төшереп алган килеш, «ВАЗ-21074» автомашинасында район үзәге буйлап хәрәкәт итә.

Бу фактны ЮХИДИ хезмәткәрләре хәтта төнлә дә игътибарсыз калырмыйлар. Алар 21:50 сәгатьтә Шоссе урамында исерек машина йөртүчене тоткарлыйлар.

ЮХИДИ хезмәткәрләре Г.ны урында ук транспорт чарасы белән идарә итүдән читләштерәләр, исереклек халәтен тикшерәләр. Машина йөртүче үз гаебен тулысынча таный. Аксубай җәмәгать суды исерек машина йөртүчегә транспорт чарасы белән идарә итү хокукыннан мәхрүм итү һәм штраф салу җәзасын билгеләде.

– Ел ярым идарә итү хокукыннан мәхрүм итү һәм 30 мең сум күләмендә штраф – үз гамәлеңне тою һәм аңлау өчен гадел җәза, – дип саный юл хәрәкәте иминлеге комиссиясе рәисе, Башкарма комитет җитәкчесе Станислав Зайцев. – Исерек машина йөртүчеләрнең үз-үзенә ышануы закон кысаларында туктатылырга һәм аларга җәза бирелергә тиеш. Җәмәгатьчелекне исерек хәлдә автомобиль белән идарә итү фактлары турында хәбәр итәргә чакырам. Чөнки исерек йөртүче юл хәрәкәтендә катнашучыларның барысы өчен дә куркыныч тудыра.

Исерек машина йөртүче турында «Аксубай районының дәүләт автоинспекциясе» Telegram-каналына хәбәр итәргә мөмкин. Аның тасвирламасында зәңгәр төс белән бүлеп бирелгән @aksubaevo_dps_bot сылтамасы беркетелгән, аңа басыгыз һәм бот белән чатка күчегез – кыю рәвештә хәбәр языгыз, хокук бозучылар – исерек йөртүчеләр, мотоциклчыларның фотоларын җибәрегез, шундый йөртүчеләрне күргән урыннар турында хәбәр итегез, сезнең хәбәрне бары тик ЮХИДИ хезмәткәре генә күрәчәк, җавапка мәгълүмат дәүләт автоинпекциясенә тапшырылды, дигән хәбәр киләчәк. Һәм чаралар күреләчәк!