Профилактик «Тоннель» балаларны утыртып йөртү кагыйдәсен бозуның ике очрагын ачыклады

Ул балигъ булмаганнарны утыртып йөртү белән бәйле юл хәрәкәте кагыйдәләрен бозуга юнәлтелде. Балаларны йөртү кагыйдәләрен үтәү предметына тикшерү рейдына, дәүләт автоинспекциясе хезмәткәрләре белән бергә, хәбәрчеләр дә чыкты.

Чараны уздыру вакытында 50 автомобиль туктатылды һәм тикшерелде, шулардан 3 машина йөртүче юл хәрәкәте кагыйдәләрен бозды.

Иртәнге сәгатьләрдә машина йөртүчеләрнең юлы балалар бакчасына таба иде.

Бер машина хуҗасының сабыйны махсус куркынычсызлык җайланмасыннан тыш йөртүе ачыкланды. Ул үз гаебен таныды һәм икенче тапкыр юл йөрү кагыйдәләрен бозмаска вәгъдә итте. Бер машина йөртүче арткы утыргычтагы баланың куркынычсызлык каешын эләктермәгән иде. Хокук бозу турында беркетмә алу белән бергә, бала белән дә, ата кеше белән дә йөртү кагыйдәләрен үтәү кирәклеге турында кисәтү әңгәмәсе үткәрделәр.

Бер пассажир куркынычсызлык каешын эләктермәгән булып чыкты.

Бәхеткә, рейд кысаларында юл-транспорт һәлакәтенә китерергә мөмкин булган җитди хокук бозулар ачыкланмады.

– Мондый төр профилактик рейдлар бик кирәк, – дип ассызыклый районның Дәүләт автоинспекциясе җитәкчесе Нияз Гыймалетдинов. – Без машина йөртүчеләрнең игътибарын балаларны йөртү кагыйдәләрен үтәүнең мөһимлегенә җәлеп итәргә тырышабыз. Балалар өчен каралган махсус куркынычсызлык җайланмасы – закон таләбе генә түгел, ә гомерне саклап калу өчен кирәкле куркынычсызлык чарасы булуын һәр ата-ана аңларга тиеш. Шуны истә тоту мөһим: балаларыбызның гомере һәм сәламәтлеге – барыннан да кыйммәт һәм кадерле!

Районның дәүләт автоинспекциясе машина йөртүчеләрне юл хәрәкәте кагыйдәләренә игътибарлы һәм җаваплы карарга өнди, бигрәк тә балалар иминлеге турында сүз барганда.