Нурлат кешесе Аксубай районында буксирга алынган УАЗ машинасы белән юл-транспорт һәлакәтенә эләккән

 “КамАЗ – Нефас” УАЗ машинасын буксирга алган булган, аның йөртүчесе куркынычсыз ян интервалны сайламаган, каршы як хәрәкәте өчен каралган полосага чыккан һәм “Шкода Рапид” автомобиле белән бәрелешкән. Юл-транспорт вакыйгасы нәтиҗәсендә УАЗ йөртүчесе зыян күргән, табиблар аның баш сөяге җәрәхәтләнүен, ябык баш мие имгәнүен, балтыр сөяге һәм иң башының каты бәрелүен диагностикалаган. Юл-транспорт вакыйгасы урыныннан зыян күрүчене ашыгыч медицина ярдәме бригадасы Чистай район үзәк хастаханәсенә алып киткән.

–Еш очракта юл-транспорт вакыйгалары килеп чыгуда кеше факторы сәбәпче була. Тәүлекнең караңгы өлешендә, күз күреме начар булган шартларда, кышкы юлда машина йөртүчегә үтә игътибарлы булырга кирәк, – дип шәрехләде ЮХИДИның Аксубай районы буенча бүлеге җитәкчесе Нияз Гыймалетдинов. – Руль артына утырганда, үзегез өчен генә түгел, юл хәрәкәтендә катнашучыларның барысы өчен дә җаваплы булуыгызны исегездән чыгармагыз. Тизлек режимын саклагыз, онытмагыз, сезне өйдә көтәләр.

Фото: ЮХИДИ бүлеге архивыннан.