Куркынычсыз каникуллар

2024 елның 11 аенда республикада балалар катнашында 401 юл-транспорт һәлакәте килеп чыккан, аларда 10 баланың гомере өзелгән, 430ы имгәнүләр алган. Күптән түгел Казанда булган фаҗига (светофорның кызыл төсенә юл аша йөгереп чыккан 7 яшьлек малайның үлеме), проблеманың актуальлеген ассызыклый. Акция кысаларында дәүләт автоинспекциясе яшь юл хәрәкәте инспекторлары, педагоглар, ата-аналар комитетлары һәм иҗтимагый оешмалар белән берлектә, йөртүчеләр тарафыннан да, шулай ук җәяүлеләр тарафыннан да юл хәрәкәте кагыйдәләрен бозуларга аерым игътибар биреп, балалар күпләп булат орган урыннарда профилактик чаралар уздырачак. Кагыйдә бозулар турындагы мәгълүматлар, алга таба балалар белән эшләү өчен, мәктәпләргә тапшырылачак. Полиция хезмәткәрләре укучылар һәм ата-аналар белән әңгәмәләр һәм автотранспорт предприятиеләрендә лекцияләр үткәрәчәк. Көн кыскалыгын һәм уңайсыз һава торышы шартларын исәпкә алып, дәүләт автоинспекциясе барлык юл хәрәкәтендә катнашучыларны үтә игътибарлы булырга һәм яктылыкны кире кайтара торган элементларны кулланырга чакыра.