Дәүләт автоинспекциясе эшенә йомгак ясалды
2022 елда район юлларында 156 юл-транспорт вакыйгасы булган.
Юл-транспорт һәлакәтләренең гомуми исәбеннән 18се тән җәрәхәтләре белән, өчесе үлем очрагы белән тәмамланган. 23 кеше төрле дәрәҗәдәге имгәнүләр алган.
– Еш кына юл-транспорт вакыйгалары Чистай-Аксубай-Нурлат һәм Аксубай-Федоровка автомобиль юлларында юл читенә төшеп китү һәм каршы як полосага чыгу нәтиҗәсендә килеп чыга, – дип шәрехләде ЮХИДИның Аксубай районы бүлеге җитәкчесе Нияз Гыймалетдинов. – Бер ел эчендә әлеге хокук бозу өчен 38 машина йөртүче җәзага тартылган. Исерек машина йөртүчеләр дә шулай ук юлларда зур куркыныч тудыра, шундыйларның 79ы тоткарланган һәм җаваплылыкка тартылган – аларга административ штраф салынган һәм транспорт чарасы белән идарә итү хокукыннан мәхрүм ителгән.:
Нет комментариев