«Игътибар – балалар!» профилактик чарасы уза

Дәүләт автоинспекциясе мәгълүматлары буенча, 16 яшькә кадәрге балалар катнашында 90 юл-транспорт һәлакәте теркәлгән, аларда 1 бала һәлак булган һәм 97се яраланган.

«Игътибар-балалар!» Татарстан Республикасы буенча ЭЭМның Дәүләт автоинспекциясе түбәндәге чараларны оештырачак:

- машина йөртүчеләрнең балаларны йөртү кагыйдәләрен үтәүләрен тикшерү;

- машина йөртүчеләрнең җәяүлеләргә өстенлек бирмәүләренә бәйле юл йөрү кагыйдәләрен бозуларын профилактикалау чаралары;

- яктылыкны кире кайтара торган элементларны популярлаштыру чаралары;

- яшүсмерләр арасында юл хәрәкәте кагыйдәләрен бозуны кисәтүгә юнәлдерелгән чаралар, алар барышында мондый фактлар турындагы мәгълүматны даими профилактик эш алып бару өчен белем бирү оешмаларына җибәрү каралган;

- балаларның юлларда үз-үзләрен куркынычсыз тоту мәсьәләләре буенча Дәүләт автоинспекциясе хезмәткәрләре катнашында ата-аналар җыелышлары;

- балаларның юлларда үз-үзләрен куркынычсыз тоту күнекмәләрен ныгыту буенча сәламәтләндерү лагерьларында бәйгеләр, викториналар һәм башка чаралар.

Аксубай районы Дәүләт автоинспекциясе җитәкчесе Нияз Гыймалетдинов юл хәрәкәтендә катнашучыларны игътибарлы һәм сак булырга өнди. Ата-аналар үз балаларының иминлегенә җитди карарга тиеш. Балаларның куркыныч тудырырга мөмкин булган урыннарда, шул исәптән юллар янында, караучысыз калмавын тәэмин итәргә кирәк. Россия Федерациясе Юл хәрәкәте кагыйдәләренең 22.9 пункты нигезендә, конструкциясендә куркынычсызлык каешлары яки куркынычсызлык каешлары һәм ISOFIX балалар тотып тору системасы каралган җиңел автомобильдә һәм йөк автомобиле кабинасында 7 яшькә кадәрге балаларны утыртып йөртү баланың авырлыгына һәм буена туры килә торган балалар тотып тору системаларын (җайланмаларын) кулланып башкарылырга тиеш. Дәүләт автоинспекциясе балаларны 7 яшькә җиткәч тә балаларны тотып тору җайланмасында йөртергә киңәш итә. Исегездә тотыгыз: балалар – юл хәрәкәтенең иң якланмаган катнашучылары.