«Аксубай универсаль технологияләр техникумы» дәүләт аграр һөнәри белем бирү учреждениесе базасында студентлар арасында «Автосессия-2025» республика бәйгесенең район этабы узды.
Бәйгенең максаты – яшьләр арасында юл хәрәкәте кагыйдәләре белемнәрен ныгыту, юлларда иминлекне пропагандалауга югары уку йортлары һәм махсус урта уку йортлары студентларын җәлеп итү, яшь йөртүчеләрдә җаваплылык хисе һәм йөртү культурасын тәрбияләү.
«Автосессия-2025» бәйгесе өч этапта узды: юл хәрәкәте кагыйдәләрен белү, беренче ярдәм күрсәтү һәм машинаны фигуралы йөртү.
Ярышлар нәтиҗәләре буенча беренче урынны – Николай Баландов, икенче урынны – Иван Цветков, өченче урынны Александр Бартов алды.
Җиңүчеләргә һәм бәйгедә катнашучыларга кубоклар, медальләр, грамоталар һәм бүләкләр тапшырылды.
Нет комментариев