Аксубайда «Сак булыгыз, җәяүлеләр!» акциясе узды
«Игътибар – балалар!» оператив-профилактик чарасы кысаларында һәм мәктәп каникуллары алдыннан Дәүләт автоинспекциясе хезмәткәрләре В.Г. Тимирясов исемендәге 1 нче Аксубай мәктәбенең «Светофорик» ЮИД отряды белән берлектә «Сак булыгыз, җәяүлеләр!» профилактик акциясен үткәрделәр.
Яшь инспекторлар җәяүлеләр белән актив аралаштылар, аларны юлларда игътибарлы булырга өндәделәр. Балалар өлкәннәргә һәм балаларга юл хәрәкәте кагыйдәләре буенча тематик белешмәләр, шулай ук яктылыкны кире кайтара торган элементлар (фликерлар) тапшырдылар. Бу кечкенә значоклар җәяүлеләрне машина йөртүчеләр өчен сизелерлек итә һәм фаҗигане булдырмаска ярдәм итә.
Транспорт чараларын йөртүчеләр дә игътибарсыз калмады. Аларга акциядә катнашучылар куркынычсыз юллар теләделәр һәм тизлек режимын төгәл үтәүләрен, шулай ук җәяүлеләр кичүләре һәм кешеләр күпләп җыела торган урыннар яныннан узганда игътибарлы булуларын искәрттеләр.
– Үзегезне һәм якыннарыгызны саклагыз! Юл хәрәкәте кагыйдәләрен үтәү – һәркемнең иминлеге нигезе, — дип мөрәҗәгать иттеләр юл хәрәкәтендә катнашучыларга яшь юл хәрәкәте инспекторлары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев