Аксубай районы дәүләт автоинспекциясе ЮИД отряды белән машина йөртүче хатын-кызларны 8 Март белән котладылар

Аксубай районы дәүләт автоинспекциясе хезмәткәрләре 3нче Аксубай мәктәбенең яшь юл хәрәкәте инспекторлары (ЮИД) отряды белән 8 Март – Халыкара хатын-кызлар көне уңаеннан «Автоледи өчен чәчәкләр» акциясен оештырдылар. Чара иртәнге сәгатьләрдә Аксубай урамнарында узды.

Акция кысаларында балалар хатын-кыз машина йөртүчеләрне һәм җәяүлеләрне бәйрәм белән котладылар, аларга үз куллары белән ясаган чәчәкләр һәм юлларда куркынычсыз йөрү теләкләре язылган открыткалар тапшырдылар. Бу символик бүләкләр барлык юл хәрәкәтендә катнашучылар өчен күңелле сюрприз булды. ЮХИДИ хезмәткәрләре шулай ук юл хәрәкәте кагыйдәләрен үтәүнең һәм юлда игътибарлы булуның мөһимлеген искә төшерделәр.

Хатын-кызлар балаларга игътибарлары өчен рәхмәт әйттеләр һәм юлларда пөхтә булырга вәгъдә иттеләр. Бу акция кешелекнең гүзәл яртысын бәйрәм белән котлау мөмкинлеге генә түгел, юл хәрәкәтендә катнашучыларның барысына да юлда үзара ихтирам һәм җаваплылык кирәклеге турында искә төшерү ысулы да булды.