Аксубай мәктәп укучылары – юл куркынычсызлыгы «руле артында»

Конкурсны мәктәптән тыш эшләр үзәге, Аксубай районы ЮХИДИ һәм «Юл хәрәкәте иминлеге» ТДИ оештырды. Сынаулар башланыр алдыннан чарада катнашучыларны Дәүләт автоинспекциясе җитәкчесе Нияз Гыймалетдинов сәламләде.

– Юл хәрәкәте иминлеген тәэмин итү – ул безнең уртак бурычыбыз, без, ЮХИДИ хезмәткәрләре аны көн саен юлда үтибез. Ә бүгенге чара – юл хәрәкәте куркынычсызлыгына зур өлеш кертү. Лаеклыларның җиңүен телим!

Мәктәп директорларының тәрбия буенча киңәшчеләренең муниципаль координаторы Наталья Хәйруллина яшь инспекторларга гади булмаган конкурста уңышлар теләде.

Шәхси-команда беренчелегендә укучылар юл йөрү кагыйдәләрен белү һәм беренче ярдәм күрсәтү буенча, шулай ук иң яхшы агитация визиткасына ярыштылар.

Конкурска бөтен районнан яшь юл хәрәкәте инспекторлары – барлыгы 13 отряд килде. Конкурс биш этаптан торды. Балалар велосипедта йөрү, Юл хәрәкәте кагыйдәләре, беренче ярдәм күрсәтү нигезләре, велосипед төзелеше өлкәсендәге белемнәрен күрсәттеләр, шулай ук командаларның «Бергә – юл хәрәкәте иминлеге өчен» иҗади конкурсында үзләрен сынап карадылар.

Жюри карары буенча гомуми зачетта түбәндәге командалар җиңүче булды: Иске Ибрай мәктәбе – I урын; Кәкре Күл мәктәбе – II урын; мәйдан хуҗалары – Аксубайның 2 нче мәктәбе укучылары өченче урынга лаек булдылар.

«Агитбригада» иҗади конкурсында Аксубай 2 нче мәктәбенең яшь инспекторлар отряды көчлерәк һәм кызыклырак чыгыш ясады, Иске Үзи урта мәктәбе һәм Яңа Ибрай урта мәктәбе икенче һәм өченче урыннарны алдылар.

«Юл хәрәкәте кагыйдәләрен иң яхшы белүчеләр» номинациясендә малайлар арасында призерлар булдылар:

• I урында – Игнат Ванюков (2 нче Аксубай урта мәктәбе);
• II урында – Серафим Малов (Кәкре Күл урта мәктәбе);
• III урында – Райнур Гатауллин (Иске Ибрай мәктәбе).

Кызлар арасында барысыннан да яхшырак чыгыш ясадылар:

• I урында – Анастасия Шәмиева (Иске Тимошкино мәктәбе);
• II урында – Сәидә Сәйфуллина (Иске Ибрай мәктәбе);
• III урында – Карина Еруславкина (2 нче Аксубай урта мәктәбе).

«Беренче ярдәм күрсәтү нигезләрен иң яхшы белүчеләр» номинациясендә малайлар арасында призлы урыннар түбәндәгечә бүленде:

• I урында – Иван Таиркин (Иске Ильдеряк мәктәбе);
• II урында – Айназ Насыйбуллин (Иске Ибрай мәктәбе);
• III урында – Игнат Ванюков (2 нче Аксубай урта мәктәбе).

Кызлар арасында:

• I урында – Алисә Сәлахова (2 нче Аксубай урта мәктәбе);
• II урында – Алена Анищенко (Кәкре Күл мәктәбе);
• III урында – Ариадна Авдеева (Сөнчәле мәктәбе).