Җәйге тәгәрмәчләргә күчәргә ашыкмагыз
Районның Дәүләт автоинпекциясе җитәкчесе Нияз Гыймалетдинов машина йөртүчеләргә җәйге резинаны вакытыннан алда алмаштырудан тыелып торырга чакырып мөрәҗәгать итте.
– Без машина йөртүчеләрнең язга алдан ук әзерләнергә теләүләрен аңлыйбыз, әмма мартта һава торышы тотрыксыз кала, кар яву һәм юлларда бозлавык хасил булу ихтималы саклана, – дип билгеләп үтте районның баш Дәүләт автоинспекторы. – Юл хәрәкәте кагыйдәләренә нигезләнеп, җәйге тәгәрмәчләрдән файдалану бары тик уртача тәүлеклек температура +7°Cтан югары булганда гына рөхсәт ителә. Әлеге кагыйдәне бозу юлларда аварияләр хәленә китерергә мөмкин.
Автоинспектор шулай ук машина тәгәрмәчләрен җитештерүчеләрнең аларны куллану шартларына карата тәкъдимнәрен үтәүнең мөһимлеген ассызыклады.
– Тотрыклы җылы һава урнашканчыга кадәр җәйге тәгәрмәчләргә күчү аларның хезмәт итү срогын кыскартырга һәм автомобиль белән идарә итүне начарайтырга мөмкин, — дип өстәде Нияз Гыймалетдинов.
Машина йөртүчеләр, белгеч киңәшенә колак салып, үзләренең һәм башка юл хәрәкәтендә катнашучыларның иминлеген тәэмин итә, шулай ук автомобиль тәгәрмәчләренең хезмәт срогын озайта алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев