Тукландыруны оештырудагы үзгәрешләр

Яңа елда мәктәп укучыларының әти-әниләрен кайбер яңалыклар көтә.

Шәһәр тибындагы Аксубай бистәсе укучыларының әти-әниләре гыйнвардан мәктәп ашханәләренә туклану өчен түләүләрне банк системасы аша күчерәчәк. Төгәлрәк әйткәндә, ата-аналар график буенча (айның 15-20 нче числоларында) акчаны мәктәпнең махсус счетына күчерә торган булалар. Киләсе уку елы башланганчыга кадәр районның барлык гомуми белем бирү оешмаларын да әлеге системага күчерү планлаштырыла. Тукландыруны оештыру буенча әлеге чараны тормышка ашыру мәктәп укучыларына күрсәтелгән хезмәтләр сыйфатын тәэмин итүгә чакырылган.