Әниләрне котладылар

Балалар яраткан әниләренә биюләр, җырлар бүләк иттеләр, театральләштерелгән тамаша да күрсәттеләр хәтта. Әбиләр дә читтә калмады, алар өчен дә җылы котлау сүзләре табылды. Балалар әниләренә үзләрен тәртипле тотарга, аларны яхшы билгеләр белән генә сөендерергә, чәчәкләр бүләк итәргә, беркайчан да күңелләрен төшермәскә, ярдәм кирәк булганда булышырга вәгъдә иттеләр. Концерт барышында әниләрнең йөзеннән елмаю китмәде, алар үзләрен иң бәхетле әниләр итеп тойдылар, шулай булмый ни, аларны бит газизләре - балалары шатландырдылар.