Иҗатта да көчлеләр

Республикабыз мәркәзендә сәламәтлекләре чикле студентлар өчен иҗат фестивале үтте. Аксубай универсаль технологияләр техникумы студентлары Дамир Ганибаев һәм Екатерина Горбунова бәйгедә "Декоратив-кулланма сәнгать" юнәлеше буенча катнаштылар. Дамир "Алтын инә" номинациясендә - беренче, "Мин - рәссам" номинациясендә өченче урынны алды. Екатерина "Квиллинг" номинациясендә бронза призер булды. Студентлар техникумда тәрбия процессының төрле яклап алып барылуын чираттагы тапкыр расладылар. Чөнки алар укуда да, спортта да, үзешчән сәнгатьтә дә, иҗатта да алдынгы.