Солдат

Ватан хакына һәлак булганнар да, исән калганнар да – алар барысы да безнең бөек тарихыбыз Илебез бәйсезлеген саклап калу өчен, Россия халкына берничә тапкыр корал алырга туры килде, шулай да Бөек Ватан сугышы илебез тарихында аерым урын алып тора. Бу безнең планетада булган барлык сугышларның иң куркынычы булды. Гади солдатлар, сугышның бөтен авырлыкларын үз иңнәрендә күтәреп, җиңү яуладылар. Сугыш юлларында аларны үлем бер генә тапкыр сагаламады.

Ниһаять дәһшәтле көрәш тәмамланды. Сугыш кырында солдатлар каны елга булып акты... соңгы минутларда аларның иреннәре: Әни ... дип пышылдады, Җирана аларны үз куенына сыендырды. Табигать җылы яңгырын мул итеп эчертте.

Җиңелчә искән җил авыртуны бераз баса төште. Йөрәктә өмет чаткысы уянды. Ярадан кан туктаусыз саркып торуга карамастан, солдат исән калачагына өметләнде. Чөнки аңа туган йортына Җиңү белән кайтырга кирәк…

Ерак авылдагы нигезендә әнисе белән хатыны үзләренә урын таба алмадылар. Алар, бәла киләсен сизеп, төне буена керфек какмадылар.

Җир өстен караңгылык биләп алды. Яңгыр белән юылган чиста күктә җемелдәшкән йолдызлар, бер-берсе белән сөйләшкәндәй, солдат белән саубуллаштылар.

Менә шуларның берсе, иң яктысы, аның йолдызыдыр, мөгаен.… Ә таң беленгәндә ул, соңгы көчен югалтып барганда, сандугач тавышын ишетте. Күз кабакларын авырлык белән генә ачып, солдат сындырылган каен ботагында үзенә таба иелгән чыпчыкка охшаган кечкенә генә бер кошчыкны күреп алды. Ул аның өчен тырышты. Солдатның йөзендә елмаю пәйда булды.

Авыртулары онытылды. Инде үлем дә куркыныч түгел иде. Ул бит Ватаны өчен җанын бирә. Ә Җиңү якын иде инде... Иң мөһиме, уллары Ватан алдындагы бурычларын онытмасыннар. Полкташлары солдатны каен төбендә җирләделәр, сандугач аның кабере өстендә көзгә кадәр сайрады. Һәр язда ул биредә солдатка серенада җырлар өчен оя кора. Ә солдат каны саркыган урында җәй буе кыргый канәфер чәчәге уттай янып утыра. Һәр язда кабер итәгенә талымсыз чәчәкләр бәйләме ята. Аларны солдатның уллары алып килә.

Алар әтиләренең батырлыгы турында онытмадылар. Илебезгә ышаныч белән хезмәт итәргә ант бирделәр. Алар дошман Ватаныбызның үзәгендә – Мәскәүдә Кызыл мәйданда Билгесез Солдат каберендә көнен дә, төнен дә янып торган Мәңгелек дан утын беркайчан да сүндерә алмасын өчен ил сагында уяу торалар.

Ирек Сәлахов

Фото