Аксубай районында терлек азыгы запасы арта бара

Район авыл хуҗалыгы идарәсенең 7 июньгә оператив мәгълүматларына караганда, гомуми мәйданы 9334 гектар тәшкил иткән күпьеллык үләннәр 1410 гектардан артык мәйданда чаптырылган. Сенаж чокырларына 3 мең тоннадан күбрәк сыйфатлы азык салынган.

Яхшы һава торышы азык җитештерү звенолары эшенә уңай йогынты ясый, алар вакытның кадерен белеп, өзлексез эшли. «Чистополье» холдинг компаниясенең «Аксу Агро» агрофирмасында 23300 тоннадан артык сенаж запасы тупланган.