Аксубай районында планлаштырылган сабан культураларының яртысыннан артыгы чәчелгән

Район игенчеләре, чәчүне кыска вакыт эчендә тәмамлау өчен туктаусыз, максималь йөкләнеш белән эшлиләр. Район авыл хуҗалыгы идарәсенең 26 апрельгә оператив мәгълүматларына караганда, сабан культуралары 26600 гектарда чәчелгән (гомуми күләме 52242 гектар) планга карата 51 процент тәшкил итә. Шул исәптән бөртекле сабан культуралары (бодай, арпа, борчак, солы, вика) – 14 мең гектарга якын мәйданда (планга карата 59 процент), техник культуралар (рапс, көнбагыш) – 11 мең гектардан артык (50 процент), азык культуралары 1650 гектарда (38 процент) чәчелгән.