Район кырларында көзге игеннәр чәчү темплары арта бара.
Район авыл хуҗалыгы һәм азык-төлек идарәсеннән алынган мәгълүматларга караганда, быел игенчеләргә 25 496 гектарга якын көзге культуралар чәчәргә туры киләчәк. Шул исәптән 15 247 гектарда көзге бодай, 10 251 гектарда көзге рапс булачак.
7 августка көзге культуралар 2468 гектарда чәчелгән, бу планның 10 процентын тәшкил итә.
Чәчү эшләрен «Волга-Селект» ҖЧҖендә механикалаштырылган звенолар алып бара. Монда 1434 гектарда көзге рапс чәчелгән. Киләсе ел уңышына нигез салу эшләре «Чистай» ХК кырларында да дәвам итә – көзге рапс мең гектардан артык мәйданда чәчелгән.
Район игенчеләре һәр аяз көнне чәчүне оптималь срокларда башкару һәм киләчәк уңышка нигез салу өчен файдаланалар.
Нет комментариев