Аксубай питомникларында тополь сабакларын утырталар һәм нарат үсентеләрен салкын урыннарга урнаштыралар
Язгы җылы көннәр җитү белән Аксубай урман хуҗалыгы питомникларында эшләр активлаша.
Территорияләрдә кар ятканда ук, урман хуҗалыгы хезмәткәрләре тополь сабаклары әзерләделәр һәм аларны салкын саклагычка урнаштырдылар. Сабакларны утырту вакыты җитте – салкын саклагычтан сабакларны алдылар һәм утырттылар. Эш гади кебек тоелса да, сабакны җиргә кадап куярга гына кирәк, әмма аларның саны меңгә җитә һәм тополь сабаклары тамыр җибәрсен һәм үсә башласын өчен эшне кул белән һәм сыйфатлы башкарырга кирәк, шуннан соң эшнең гади түгеллеген һәм тырышлык таләп итүен аңлыйсың. Урманчылар бу биремне уңышлы башкардылар.
Эшчеләр нарат утырту материалын казуга керештеләр. Аерым алганда, Ибрай участок урманчылыгында бу операцияне актив башкаралар.
Монда еллар узгач тирә-як урманнарны тулыландырачак һәм төбәк бизәгенә әйләнәчәк культуралар үстерелә. Әмма, урман утырту эшләре башланганчы берникадәр вакыт узарга тиеш. Бу чорда, вегетация процессын акрынайту өчен, үсентеләрне салкын урынга урнаштырып торалар. Булачак нарат үсентеләре кар катламы һәм боз астында утырту өчен үз сәгатьләрен көтә. Утырту материалы салкында йокыга талган кебек була, бары тик урман посадкасында җиргә утырткач кына үсеп китәчәк.
Следите за самым важным и интересным в Telegram-каналеТатмедиа
Нет комментариев