Мәдәнияткә җитәкчелек иткәннәр

Районның мәдәният бүлегендә элеккеге җитәкчеләр турындагы истәлекне мәңгеләштерергә булганнар.

Фойедә төрле елларда мәдәният бүлеген җитәкләгән кешеләрнең сурәтләреннән торган фотогалерия урын алган. Бу турыдагы тарих башкарма комитет фонды, Аксубай районы хакимияте материаллары һәм шәхси состав буенча боерыклар кенәгәсенә таянып булдырылган. 1946 елга кадәр районның мәдәни-агарту учреждениесе бүлеген Сәмиг Хәйбуллинның җитәкләве, аны Сергей Полозовның алыштыруы документлар белән расланган. Мәдәниятне Петр Галкин, Николай Карпов, Павел Кузьмин, Владимир Маркитанов, Л.Е. Максимов, Н.М. Васильев, Александр Коробков (сигезьеллык мәктәпнең элеккеге директоры), Владислав Резинов, Рифкат Хәмидуллин, Әсхат Кобиев, Валентина Рябова, Әлфия Рәхмәтуллина, Фазыл Мингалимов, Лидия Третьяк, Вера Юнысова, Алим Идиятуллин, Надежда Крайнова, Ришат Сруртдиновлар төрле елларда җитәкләгәннәр.