Үткән ел дәрәҗәсеннән күбрәк

Кайбер шәхси йортларда берничә сыер асрала, һәм кешеләр артып калган сөтне тапшыралар.

Шулай итеп гаиләне тотрыклы финанс өстәмә белән тәэмин итәләр.

Соңгы елларда Иске Ибрай авыл җирлеге сөт тапшыру буенча лидер булып тора. Көн саен аның территориясеннән сөт җыючылар 2600 килограмм сөт җыеп алалар.

Икенче урында – Беловка авыл җирлеге. Беловка сөт җыючыларының көн нәтиҗәсе – 1800 килограмм.

Иске Татар Адәмсуы авылында көненә 1700 килограмм сөт тапшыралар.

Емелькинолылар, искеильдеряклылар лидерлардан тоннага кимрәк сөт тапшыралар. Болар һәм кайбер башка авыл җирлекләре үткән елның июль ае дәрәҗәсе белән чагыштырганда сөт тапшыруны арттырганнар.