Тавыш бирүнең беренче көнендә Аксубай универсаль технологияләр техникумында урнашкан 571нче сайлау участогында, беренчеләрдән булып, хатын-кыз волонтерлар Россиянең киләчәге өчен үзләренең конституцион хокукларыннан файдаландылар.
Алар Россия Федерациясе Дәүләт Думасы депутатларын сайлауда катнашуның шәхси үрнәген күрсәттеләр.
– Барыгызны да бу өч көн эчендә сайлау участокларына килеп, без ышанган кешеләр өчен тавыш бирергә чакырам! – дип билгеләп үтте актив волонтерларның берсе Рәмзия Паймулкина. – Һәрберебезнең тавышы – ул Россиянең киләчәге. Ул бүгенге көн кебек кояшлы, ә өстебездәге күк йөзе тыныч булсын! Без барыбыз да җиңү өчен, тыныч күк йөзе өчен тавыш бирдек!
Исегезгә төшерәбез: бүген, 18 сентябрьдә, Татарстанда сайлау участоклары ачылды — республикада Россия Федерациясе Дәүләт Думасының IX чакырылыш депутатларын сайлау буенча өч көнлек тавыш бирү башланды. Участоклар көн саен 8:00 дән 20:00 гә кадәр эшли, тавыш бирү 20 сентябрьгә кадәр дәвам итәчәк.
Нет комментариев