Татарстан Язучылар берлеге әгъзасы, педагогик хезмәт ветераны Рушания Низамованың «И мама меня искала» («Әнием дә мине эзләгән») дигән яңа китабы басылып чыкты.
Әсәр рус һәм татар телләрендә язылган һәм башлангыч һәм урта мәктәп укучыларының сыйныфтан тыш укуына исәпләнгән. Текст җиңел укыла, тел аңлаешлы, хикәяләү мавыктыргыч — китап өлкән укучыларга да кызыклы булачак. Сюжет үзәгендә – әти-әнисез калган малай, ул башка гаиләдә җылылык, кайгырту һәм ярдәм таба. Повесть геройның дөньяны һәм кешеләрне ничек танып белүе, тормыш сынауларын ничек җиңүе, яшьтәшләре һәм өлкәннәр белән аралашканда нинди ачышлар ясавы, игелекле һәм ярдәмчел кеше булырга өйрәнүе турында сөйли.
Рушания Низамованың яңа китабы белән район үзәк китапханәсендә танышырга була, нөсхәләр шулай ук авыл китапханәләренә тапшырылачак.
Нет комментариев