Территориаль сайлау комиссиясе әгъзасын юбилее белән котладылар

Хезмәттәшләре «Выборы» дәүләт автоматик системасының система администраторы Римма Гафиятованы юбилее белән котладылар.

Район башлыгы Камил Гилманов туган көненә Рәхмәт хаты, чәчәк бәйләме һәм бүләк тапшырды.

– Сез үз эшегездә тәҗрибәле, белемле белгеч, – дип билгеләп үтте ул. – Сез сайлау кампаниясе эшендә төгәллекне һәм кимчелексезлекне тәэмин итәсез. Сезгә чын күңелдән сәламәтлек, бәхет, хезмәтегездә уңышлар телим!

Римма Гафиятова 26 ел дәвамында «Выборы» ДАС система администраторы булып эшли. Шушы еллар эчендә Үзәк сайлау комиссиясе тарафыннан бер генә шелтә дә булмаган.

– Римма Вәгыйз кызы белән без бердәм командада аңлашып эшлибез, – дип белдерде территориаль сайлау комиссиясе рәисе Наталья Сорокина. – Римма үз вазыйфаларына бик җаваплы карый. Аңа оперативлык һәм төгәллек хас. Безнең эштә бу төп сыйфатлар.

Римма Гафиятова – ике кызчыгының яраткан әнисе. Ул үзенең җаваплы эшен балалар тәрбияләү белән уңышлы берләштерә. Ул алар өчен иң яратучан, игелекле кеше.