Татарстан эчке эшләр министры дипломына лаек булдылар

- Узган атнада Татарстан Республикасы буенча Эчке эшләр министрлыгының коллегиаль утырышы булды, анда ведомство проблемалары буенча фикер алыштылар, борчыган мәсьәләләрне тикшерделәр. Башкарылган эшләргә нәтиҗә чыгарыр алдыннан бүлек, оператив-хезмәт эшчәнлегендә ирешелгән уңышлар һәм эшне нәтиҗәле алып барган өчен, Татарстан эчке эшләр министры Артем Хохорин имзасы белән Диплом алды, - дип фикерләре белән бүлеште Россия ЭЭМның Аксубай районы буенча бүлеге җитәкчесе Илнар Камалиев. - Эшебезне шулай югары бәяләүләре күңелле әлбәттә, бу шәхси составның һәм бүлектәге һәр хезмәткәрнең тырышлык нәтиҗәсе һәм безнең киләчәк эшебезгә этәргеч булып тора.

Ул шулай ук террорчылыкка һәм экстремизмга каршы көрәш, авыр һәм көнкүреш җинаятьләрен кисәтү, урлау очракларын ачу, канунсыз корал, наркотиклар әйләнешенә каршы көрәш, юл хәрәкәте иминлеге нәтиҗәлелеген күтәрү, коррупциягә каршы тору ,икътисади җинаятьләрне, җинаятьләрнең профилактик составын ачыклау, тәкъдим ителгән хезмәтләр сыйфатын, хезмәткәрләрнең һөнәри осталыкларын күтәрү, хезмәт дисциплинасын, халык белән үзара хезмәттәшлекне ныгыту элеккечә бүлекнең өстенлекле юнәлеше булып кала һәм бу ахыр чиктә район халкы өчен иминлек нигезе булып тора, дип билгеләп үтте.

Россия ЭЭМның Аксубай районы буенча бүлеге хезмәткәрләре республика чараларына да тәртип һәм җәмәгать иминлеген саклауга җәлеп ителәләр. Моның өчен алар Татарстан Эчке эшләр министрлыгыннан Рәхмәт хатлары алалар. Быел алар алдында шулай ук әһәмиятле бурыч тора - бүлек хезмәткәрләре Россия Федерациясе Президенты сайлаулары алдыннан сайлау алды агитацияләре алып барылган һәм сайлаулар үткәрү чорында, шулай ук июнь-июль айларында Россиядә 2018 елда футбол буенча FIFA дөнья чемпионатында хокук тәртибен тәэмин итәчәкләр.