Кешеләр иминлеге өчен куелган мактаулы хезмәт

Социаль яклау өлкәсе бүгенге көндә актуаль булып тора һәм ул үсә һәм вакыт таләпләренә җавап бирергә сәләтле – бу хакта районның социаль яклау бүлеге җитәкчесе Елена Зайцева белән әңгәмә корабыз.

– Районның социаль яклау тармагы ТР Хезмәт һәм социаль яклау министрлыгының алты учреждениесен берләштерә: картлар һәм инвалидлар өчен Федоровка интернат-йорты, «Нежность» КЦСОН, Мәшгульлек үзәге, «Хыял» социаль приюты, ТР компенсация түләүләре бүлеге һәм социаль яклау бүлеге. Һәркайсы, республика программаларында катнашып, үз эшчәнлеген бүгенге таләпләр һәм тенденцияләр буенча камилләштереп, үз юнәлеше буенча уңышлы эшли.

– Социаль өлкә эшчәнлегендә нинди яңалыклар барлыкка килде?

– Социаль яклауда һәр юнәлеш бертөрле мөһим һәм җаваплы, чөнки ул безнең гражданнарның тормышына һәм иминлегенә кагыла. Мисалга берничә якны гына алыйк. Сәламәтләндерү: «Хыял» приютында тәрбияләнүчеләрнең һәм авыр тормыш хәлендә һәм социаль куркыныч хәлдәге балаларның ялын оештыру буенча ведомствоара бурыч куелган – алар лагерьларда ял итү мөмкинлеге ала. Бу эш инде башланган (балаларның бер өлеше лагерьларда) һәм ул августка кадәр дәвам итәчәк. Быел мәдәният, мәгариф оешмалары хезмәткәрләрен савыктыру программасы буенча бюджет өлкәсе белән зур эш алып барыла, быелдан башлап муниципаль хезмәткәрләр шифаханәдә дәвалануга сертификатлар алалар.

Мобилизацияләнгәннәрнең гаиләләре белән актив эш алып барыла: түләүләр гамәлгә ашырыла, мохтаҗларга «Нежность» КЦСОНда социаль хезмәт күрсәтелә, гаиләне озату алып барыла (гаилә карары буенча), солдатларның әниләре Татарстан санаторийларына юлламалардан беренчел чиратта файдалану хокукына ия, икесе файдаланды инде.

Социаль контракт буенча эш дәвам итә. Дүрт юнәлеш алып барабыз: эшкә урнаштыру, үзмәшгульлек, шәхси ярдәмче хуҗалык һәм башкалар. Дәүләт үз эшеңне үстерү планын тормышка ашыруга субсидияләр бирә. Аз керемле гражданнарга ярдәм программасыннан файдалану мөмкинлеге бар. Хәзерге вакытка финанс чаралары бар, контракт төзү мәсьәләсе буенча район кешеләрен көтәбез. Газлаштыруга субсидияләр, коммуналь хезмәт күрсәтүләр өчен түләүләрне кире кайтару һәм башка бик күп маддәләр буенча эш алып барыла.

Федоровка интернат-йорты эше дә район өчен әһәмиятле. Ялгыз ветераннар өчен ул ышанычлы сыену урыны булып тора. Бу учреждение ял итү һәм тәрбия планында «Хыял» социаль приюты белән хезмәттәшлек итә. «Хыял»да тәрбияләнүчеләр ветераннар янына концертлар белән киләләр, өлкәннәр балалар белән очрашудан зур тәэсирләр алалар.

Район мәдәният йорты, китапханә, балалар сәнгать мәктәбе, район мәгариф бүлегенә социаль хезмәтләр алучыларны кызыклы ял белән тәэмин итү буенча тыгыз хезмәттәшлек өчен рәхмәт белдерәсе килә. Форсаттан файдаланып, барлык хезмәттәшләремне һөнәри бәйрәм белән котлыйсым һәм күңел җылысы бүләк иткәннәре, талымсыз куллары өчен рәхмәт белдерәсем килә. Барыгызга да сәламәтлек һәм авыр хезмәттә уңышлар телим.