Аксубай музыканты татар теле буенча бәйгенең бронза призер булды
«Радуга» балалар бакчасының музыка җитәкчесе Александр Шуркин рус телле тәрбиячеләр өчен «Мин татарча сөйләшәм һәм эшлим -2022» VI республика бәйгесендә өченче урынны яулады.
Республика тел бәйгесендә Татарстан шәһәрләре һәм районнарыннан 15 педагог катнашты.
Аксубай музыканты «Мин – шәхес!» темасы буенча визит карточкасы белән чыгыш ясап, балалар белән «Мин сине кызыклы уенга өйрәтәм» дигән дәрес тәкъдим итте, «Тәрҗемә ит! Татарча өйрәнәбез» уен-викторинада катнашты, шулай ук «Ирекле микрофон» өйгә эш биремен күрсәтте. Жюри әгъзалары бәйгедә катнашучының югары профессиональ дәрәҗәсен билгеләп үттеләр. Нәтиҗәдә, Александр Шуркин өченче призлы урынга лаек булды. Аңа ТР Мәгариф һәм фән министрлыгы дипломы, Бөтендөнья татар конгрессы һәм ТР мәгариф хезмәткәрләре республика профсоюзлар комитеты исеменнән истәлекле бүләкләр тапшырылды.
Фото: мәгариф бүлеге архивыннан.
Следите за самым важным и интересным в Telegram-каналеТатмедиа
Нет комментариев